గండి పడ్డ కన్నీటి నదులు
ప్రవాహం ఆగడంలేదు
ఆపే ప్రయత్నంలో
అరచేతులే ఇసుకమూటలౌతున్నా
లెక్కలేని ఆలోచనలు
మదిలో మూటకట్టుకున్నాయి
తీరoలో ఒంటరిగా
మూగ మనసుకు సర్ది చెప్పుకుంటూ
మునివేళ్ళరాతతో ఆలోచనలకు
మార్గాలు వెతుకుంటూ
అప్రయత్నంగా
కుప్పగా మారిన ఇసుకలో
అంతరంగ మదనాలన్నీరాశులు పోశానేమో
అర్ధం కాని స్ధబ్ధత ఆవరించి
తడబడుతూ తీరంలో
ఓటములెన్నో జ్ఞాపకాల్లో
గెలుపులు వెతుకుతూనే వున్నా
కడలి అంచుల్లో కొత్త కోరికలుకై
దూరమైన ఆశలన్నీ
తరంగo తోడుతో తిరిగివోస్తాయని....!!