.....బాపు బొమ్మలు.....
నుదుట పాపిట బొట్టు నొసట కుంకుమ బొట్టు
నల్లటి కాటుక దిద్దిన చారెడేసి కళ్ళు

ముత్యపు ముక్కెర ముక్కుకు తొడిగి
చెవులకు వేలాడుతూ జుంకాలు సాంప్రదాయంగా,
మెడనింపు చేస్తూ ముత్యాల మాల
అందాన్ని అద్వతీయం చేస్తూ పట్టు పరికిణీలు
నిండుతనం నింపు ఓణీలు
ఎర్రని గోరింట చేతులు గల గల మంటూ మట్టి గాజులు
పారాణి పాదాలుకు సవ్వడి చేస్తూ అందియలు
వాలు జడ సొగసులకు జడకుచ్చుల సొబగులు
పొడవాటి జడకు పొందికగా పువ్వులు
పల్లెపడచులు నండూరి ఎంకి రూపాలు
బాపు బొమ్మల్లో తెలుగు అందాల నాయికలు
తెలుగుతనం వుట్టిపడే కూచిపూడి నృత్యాలు
మనసు కట్టి పడేసే భామా కలాపాలు
అధునిక వస్త్రధారణ పోకడలు అల్లుకుంటున్నా
తెలుగుతనం నింపుకున్నపూబోణీల అందమే అధ్వితీయం
తెలుగింట నడయాడు అపరలక్ష్మీ దేవీ రూపాలు
చూపు మరల్చలేని అందాల బొమ్మలు తెలుగమ్మాయిలు ...!!
...వాణి