// ఆమె చెయ్యి //
పసిబిడ్డగా వున్నపుడు ముద్దాడిన ఆ చెయ్యి

గోరు ముద్దలు తినిపించి పెంచి పెద్ద చేసింది
తట్టలే మోసిందో కట్టెలే కొట్టిందో
గుండెలకి హత్తుకుని ఎంతగారం చేసిందో
శ్రమ ఎంత పడ్డదో ఎవరికి ఎంత సేవ చెసిందో
చేవ లేక చతికిల పడ్డది
సాగి సాగి ముడతలు పడ్డది
సత్తువ లేక సాయం కావాలంటొంది
దేహీ అంటూ బిక్షమెత్తుకుంటోంది
బ్రతుకు కష్టమంతా ఆ చెయ్యిలో కనిపిస్తూ
కార్చిన కన్నీళ్ళన్నీ ఆముడతల్లో కనిపిస్తూ
నిర్లక్ష్యానికి సాక్ష్యంగా నిర్జీవంగా ఆ చెయ్యి
....వాణి కొరటమద్ది
10 nov14