తెలుగు గజల్ -- 2
అలసి పోని ఆకెరటం ఆరాటం చూస్తున్నా
మునుముందుకు సాగాలని పోరాటం చూస్తున్నా

ఓటమెంత ఎదురైనా ప్రయత్నం మాననంటూ
తీరాన్ని చేరాలనె ఉబలాటం చూస్తున్నా
తుడిచేస్తూ అడుగులను గతం మరచి నడవమనే
తరంగాలు చెపుతున్న గుణపాఠం చూస్తున్నా
కడలి నీరుల కన్నీరూ వ్యర్ధమేనంటూ
ఊరడించు సముద్రాన్ని ముచ్చటగా చూస్తున్నా
కడలి ముందు కూర్చునీ తరంగాల తోడుంటే
ఓదారిన మనసుల్లో ఉత్కంఠo చూస్తున్నా
....వాణి