//భూమి (పృథ్వీ)//
పంచభూతాత్మక మైన ప్రకృతి బ్రహ్మండం
పంచ భౌతికమైన శరీరం పిండాండం
అద్భుత అందాల పుడమి తల్లి
మంచుకొండలు సెలయేళ్ళు లోతైన సముద్రాలు
పర్వతాలు కొండలు పచ్చని చెట్లు
పక్షుల కిల కిల రావాలు
భూమాత ఒడిలోనే ప్రకృతి సౌందర్యం
సమస్త జీవకోటి భారాన్ని మోస్తూ
ప్రకృతి విలువలను సమకూరుస్తూ
అంతర్భాగాన గనులు ఖనిజ లవణాలు
మానవుని నిరంతర పరిశోధనలు అన్వేషణలు
జీవన చక్రం ప్రశ్నార్ధకంగా మనుగడకు ముప్పుగా
జల వాయు శబ్ధ కాలుష్యకోరలు
ధరిత్రి ఒడిలో అంతరించి పోతూ జీవరాశులు
పెరిగిపోతూ ఆకాశ హర్మ్యాలు
అడుగంటుతూ నీటి నిల్వలు
కర్మాగారవ్యర్ధాలు కలుషితాలై అనారోగ్యానికి కారణమౌతూ
రక్షణ కవచమైన ఓజోను పొర చిరిగిపోతూ
అవనిపచ్చదనాన్ని కోల్పోతూ జీవకోటి వునికికే ప్రమాదం
అవని అందాలు కాపాడుకుందాము
వృక్షసంపదను పెంచుకుందాము
మానవులు పర్యావరణ పరిరక్షణకు నడుంబిగించాలి
చేయి చేయి కలిపి భావితరాలకై
భూగోళ రక్షణ తక్షణ కర్తవ్యమవ్వాలి...!!
....వాణి కొరటమద్ది
22 august 2014