//వెంటాడే నీడ//
పున్నమి నాటి అలల తలపిస్తూ
కన్నీటి కెరటం ఉధృతమైన ప్రవాహం అవుతుంది

మనసు గాయం మెలిపెట్టినపుడు
చెమ్మగిల్లిన కనులు తడి ఆరని తీరంలా మెరుస్తూనే వుంటాయి
జ్ఞాపకాల తీరం ఆరిపోని దు:ఖాలను గుర్తు చేస్తూనే వుంటుంది
మాసిపోని మది గాయాలు మౌనాన్ని పెంచాయి
కడలి తీరంలో ఓదార్పు వెదుకుంటూ
గద్గద స్వరాన్ని మాయం చేస్తుంటాను సముద్రపు హోరులో
ఆలోచనలు ఉదృతమైన కెరటాల్లా మనసుపై దాడి చేస్తుంటాయి
మనసు గాయం మెలి పెడుతూనే వుంటుంది వెంటాడే నీడలా...!!
........వాణి కొరటమద్ది