గజల్ -6

వెలుగొదలని నీడలా నువు గుర్తొస్తున్నావు
మనసొదలని జాడలా నువు గుర్తొస్తున్నావు

మరలరాని లోకానికి తరలి నీ వెళ్ళిపోయావు
అడుగడుగున తలపుల్లో మాటలా నువు గుర్తొస్తున్నావు

మనసంతా నిండివున్న మౌనంలా నే మారినా
అనుక్షణం స్వప్నంలో తోడులా నువు గుర్తొస్తున్నావు

వేలుపెట్టి నడిపించిన క్షణాలే నీ జ్ఞాపకమై
మరువలేని గుర్తులుగా జాడలా నువు గుర్తొస్తున్నావు

ఓడిపోయి పోరాటం గెలుపురుచి నే నెరుగ లేదు
కానరాని నీ రూపం కలలా నువు గుర్తొస్తున్నావు
....వాణి కొరటమద్ది
11 nov 14