ఏ ఎమరపాటో మిమ్ము అనాధను చేసింది
కాలం గాయం చేసి విధి వెక్కిరించింది

ఏ నిర్లక్ష్యపు సంతకం మీ జాడ నిలిపిందో
ఆమె అసహనమో అమాయకత్వమో 
ఏమృగము గాయ పరిచిందో

వెలుతురులోకొచ్చి వెలుగులకై వెతుకుతున్నారు
మరలరాని అమ్మకై ఆరాటపడుతున్నారు

తలకు మించిన భారమే మీ బ్రతుకు పోరాటం
తమ్మునికి అమ్మవై మెదలెట్టాలి నీ జీవన సమరం

తడికనులు తుడుచుకుని ముందు నడక సాగించు
దరి చేరవు ఏ పధకాలు మీ కడుపు నింపాలని
ఆపన్న హస్తాలన్నీ స్వార్ధంతో నిండాయి

నీకు నువ్వే జాగ్రత్తనుకుంటూ
నీ తమ్ముని బ్రతుకు కర్తగ మారిపో