Friday, June 5, 2015

చినుకుల తడి నేల రాలి
స్వచ్చతను కోల్పోతూ
వెలుగులేని దీపమకడ
వేలాడుతూ శక్తిలేక
తడి కావాలని తపియిస్తూ
మేల్కొంది పచ్చదనం
మట్టి వాసన మనసంతా
పులకింతను పంచుతోంది
వికసించిన కుసుమాలు
భ్రమరాలకై వేచి యుండి
మధువు గ్రోలు పెదవి స్పర్శ
కోరుకునే ఆరాటం
తడవాలని ఆశతోన
తడబడుతూ తడి అడుగులు
ప్రతి అడుగూ గెలవాలని
మనసును గెలిపించాలని

No comments:

Post a Comment