ఈ మధ్య నే పెళ్ళి జరిగిన మా బాబాయి కూతురు( లత ) గుండెనొప్పితో మరణాన్ని తట్టుకోలేక చెల్లి ఆత్మశాంతి కోరుకుంటూ

....నివాళి ....

పారాణి పాదాలు ఆరనే లేదు
పెళ్ళి బడలికింక మాకు తీరనే లేదు

చెరిగిపోనే లేదు నీ చేతి గోరింట ఇంకా
చెదిరిపోయాయా చెల్లి నీ కలలు అన్నీ

నీవు నడచిన ఏడడుగులు వెన్నెల నడకలనుకున్నాము
కొత్త జీవితానికి దారులే అనుకున్నాము

పెళ్ళి పీటల మీద నీ నవ్వులన్నీ
మెదులుతూనే వున్నాయి మా కనుల ముందు

ఆశలన్నీ నీకు మూటకట్టి ఇచ్చాము
వడిబియ్యముతో పాటు అత్తంటికంపాము

లతలా నీ జీవితాన్ని అల్లుకుంటావనుకున్నాము
వడలిన తీగవై నేల రాలిపోయావు

అంతలోనే నీకు అంతిమయాత్రనా చెల్లి
ఆశ్చర్యాలనుండి తేరుకో లేకున్నాము

చిగురించక నీ చిరునవ్వులు చితికి చేరువయ్యాయి
కలతతో మేమంత కన్నీటితో మిగిలాము

నీ ఆత్మశాంతి కోరుకుంటూ
నిశ్చేష్టులై మిగిలాము

....అక్క with Manoj Kumar Sharma