//క్రొత్తనడక//

ఆశా వృక్షం కూకటి వేళ్ళతో కూలిపోయింది
వేళ్ళన్ని నావేగా వేదన మరింత భారంగా వుంది
ఆత్మీయ హస్తాలు దూరమనుకున్నారో
అంతర్వాణిలోనూ అవసరం లేదనుకున్నారో
ఒక్కసారిగా నా చుట్టూ ప్రపంచం చిన్నదైపోయింది
చెదిరిన కలలన్నీ గాయపు గుర్తులుగా
కన్నీటి బిందువులన్నీ కన్న కలలుగా కారిపోతూ
మనసంత నిండి వున్న రూపం మరుగున పడనివ్వలేక
మొత్తానికి నిద్దురకూడా వెలి వేసింది
జ్ఞాపకాల తీరంలో క్రొత్తనడక నేర్చుకుంటూ
నిరాశతోనే అడుగులు వేస్తూ
నీ అడుగుల గుర్తులు అడుగడుగునా ప్రశ్నిస్తుంటె
ఎడారిలో నడకలా జీవిత గమనం
కనిపించే నీరంతా కన్నీరే అవుతూ
గొoతుతడికి భాష్పాలే అధారమౌవుతూ
చిగురించని ఆశలు చిరునవ్వులు దూరం చేసి
చేజారిన అదృష్టాలు శాంతినీ దూరం చేసి
మది నిండా నీ రూపం దృశ్య కావ్యమే
నా కలం ఒలికించే అక్షరాలన్నీచిట్టి తండ్రి జ్ఞాపకాలే...!!

...వాణి కొరటమద్ది

3 july 2014