//క్రొత్తనడక//

ఆశా వృక్షం కూకటి వేళ్ళతో కూలిపోయింది
వేళ్ళన్ని నావేగా వేదన మరింత భారంగా వుంది

ఒక్కసారిగా నా చుట్టూ ప్రపంచం చిన్నదైపోయింది
చెదిరిన కలలన్నీ గాయపు గుర్తులుగా
కన్నీటి బిందువులుగా కన్న కలలు కారిపోతూ

మనసంత నిండి వున్న రూపం
మరుగున పడక నిద్దురను కూడా వెలి వేసింది

నిరాశతోనే అడుగులు వేస్తూ
జ్ఞాపకాల తీరంలో క్రొత్తనడక నేర్చుకుంటూ

నీ అడుగుల గుర్తులు అడుగడుగునా ప్రశ్నిస్తుంటె
ఎడారిలో నడకలా జీవిత గమనం
కనిపించే నీరంతా కన్నీరే అవుతూ
గొoతు తడికి భాష్పాలే ఆధారమౌవుతూ

చిగురించని ఆశలు చిరునవ్వులు దూరం చేసి
చేజారిన అదృష్టాలు శాంతినీ దూరం చేసి
మది నిండా నీ రూపం దృశ్య కావ్యమే
నా కలం ఒలికించే అక్షరాలన్నీచిట్టి తండ్రి జ్ఞాపకాలే...!!

...వాణి కొరటమద్ది