ఆడపిల్ల


సమాజం ఇది
నొప్పిస్తూ వుంటుంది
మెప్పిస్తూ వుంటుంది
జీవిత పాఠాలను
నేర్పిస్తూ వుంటుంది

గాయం చేసే వాళ్ళూ
గాయాలు మానిచే వాళ్ళూ
రక రకాల మనుషులు
రంగులు మార్చే  వాళ్ళు

అవకాశం.ఇచ్చావా
అదను చూసి ఆవహించేస్తారు

మెచ్చుకోలు నెపంతో
గుచ్చుతూ వుంటారు
మాస్టారే కదాని
మై మరచి పో బాకు

నీలోని పులి చంపెయ్యబాకు
అవసరాన్ని బట్టి
అవతారం మార్చుకో

చదువుకోవాలి  నువ్వు
చరిత్ర తెలుసుకోవాలి

ఆర్దిక స్వాతంత్ర్యం కూడ
నీకు అండగా వుండాలి

మనుష్యుల తత్వాలు చూసి
మసలుకోవాలి

వెళ్ళే దారుల్ని
పరికించి వెళుతుండు
దుష్టశక్తులకు నువ్వు
దూరంగ వుంటుండు

ఎదైతెనేం సుమా
నిన్ను నీవు మలచుకో
ఆడపిల్లను లే అని
అణిగిమణిగి వుండకు