//అనాద ఆడపిల్ల//

ఆడపిల్లవన్నారు అలుసుగా చూసేరు

అణచి వేస్తున్నారు అంకురంగా నిన్ను

చిదిమేస్తువున్నారు పసిగుడ్డుగానే నిన్ను

చెట్లకొమ్మల మద్య చిగురించినావో

చెత్త కుప్పల నుండి వెలికి వొచ్చావో

కన్నీటి సంద్రమై కూర్చుని వున్నావు

ఆలకింపగ రాలేదమ్మ నిను కన్నతల్లి

ఏ మగని శాపానికో బలి అయినదో ఆమె

శాపాలు పెట్టినారు శోకాల పాల్జేసి

మరచినారమ్మ ఆడపిల్ల లేనిదె అమ్మ లేదని

ఆపిల్ల తోనే సృస్ఠి జరిగేనని

ఏ తల్లో వస్తుందినిన్ను ఆదరిస్తుంది

తల్లి కాలేని తల్లి అమ్మ అవుతుంది

నీ వంటి వారిని ఆదరించే శక్తి నీకు యిస్తుంది

వేచిచూడమ్మా చిన్నారి తల్లీ!!!

.......వాణి కొరటమద్ది
4/4/2014