//వెతుకుతూనే వున్నా చిన్నా...!!//

తనువు చాలించినావు
తండ్రి జన్మదినం నాడే
తల్లడిల్లి పోయారు
నీ తల్లి తండ్రులు

విధివంచితుడైనావా..
పోరాడి ఓడావా

నీవు లేక
చితికిపోయిన మాజీవితాలు

అలజడిలో మనసంతా
ఆశలు లేని జీవనం

నటిస్తూ మనుష్యుల్లా
నరకంలో జీవుల్లా

నా కన్నీటి సముద్రానికి
రెండు సంవత్సరాలు పూర్తి

సంవత్సరాలు
గడిచిపొతున్నాయి

కనిపిస్తావేమోనని ఇంకా
ఆశలు చిగురిస్తూనే వున్నాయి

పోయిన ప్రాణం తేలేక
ఉన్న ప్రాణాలను బలవంతంగా బ్రతికిస్తున్నా

కన్నుల్లో వొత్తులు వేసుకుని
వెతుకుతూనే వున్నా చిన్నా

స్వప్నంలో కనిపించే నీ రూపం
శాశ్వితమై నా ముందు నిలబడుతుందేమొనని ఆశ...!

......వాణి కొరటమద్ది